Starvsvenjing ella lestrarstarv hjá SMJ
SMJ
Hjá SMJ vilja vit fegin samstarva við lesandi og ynskja at bjóða starvsvenjing og lestrarstarv innan øki sum maskinverkfrøði, bygningsverkfrøði, orkuverkfrøøði, elverkfrøði og byggifrøði.
Faklig vitan er grundarsteinurin undir øllum, sum SMJ fæst við, og dugnalig starvsfólk er okkara fortreyt fyri at eydnast.
SMJ bjóðar
Vit ynskja fegin at hoyra frá lesandi, sum hava áhuga í starvsvenjing hjá SMJ. Starvsfólkahópurin hjá SMJ er samansettur av væl útbúnum fólki, sum tú fært møguleika at arbeiða saman við og harvið menna tínar royndir og førleikar. SMJ er við í fleiri spennandi verkætlanum í Føroyum og í grannalondum okkara, og sum partur av hesum fært tú eina holla vitan innan ráðgevandi verkfrøði.
Hjá SMJ leggja vit stóran dent á at tú hevur møguleika at menna teg persónliga og fakliga.
Vilt tú vita meira?
Um hetta hevur vakt tín áhuga, kanst tú bóka eitt prát við okkum á Jobmatch.fo, og so ert tú eisini vælkomin at senda umsókn, CV og prógv til starv@smj.fo. Í umsóknini verður tú vinarliga biðin um at greiða frá tínum persónligu eginleikum og motivatión fyri starvinum.
Umsóknir verða viðgjørdar í trúnaði og so hvørt tær koma inn.
