Verkfrøðingur, byggifrøðingur ella maskinmeistari til SMJ
SMJ
Hevur tú hug at brúka og menna tínar førleikar saman við okkum hjá SMJ?
Vit uppliva nógv virksemi og vaksandi eftirspurning innan fleiri økir, tí leita vit eftir fleiri starvsfólkum. Ert tú verkfrøðingur, byggifrøðingur, maskinmeistari ella installatørur, so kann vera at SMJ og tú passa saman.
Arbeiðsøkir, sum vit sóknast eftir fólki til eru
· HVS og ventilatións ráðgeving
· El ráðgeving
· Procesdesign av alistøðum
· Orkuráðgeving
· Brunaráðgeving
· Verkætlanarleiðsla
UM TEG
· Viðkomandi útbúgving og áhuga fyri ráðgevandi verkfrøði
· Góðar samskiftisførleikar í skrift og talu á føroyskum, donskum og enskum
· Góðar KT – førleikar
· Vit eru áhugaði at hoyra frá royndum, sum óroyndum við viðkomandi útbúgving.
LEIKLUTUR OG MØGULEIKAR
Sum starvsfólk hjá SMJ gerst tú partur av einum dugnaligum starvsfólkahópi við ymiskum serkunnleikum, og títt íkast fer at styrkja okkum. Tú fært góðar møguleikar at menna teg persónliga og fakliga við spennandi uppgávum í Føroyum, Danmark, Grønlandi, Íslandi og Norra.
Vit leggja stóran dent á at kundin, uppgávurnar og samstarvið eru í fokus.
SETANARTREYTIR
Løn og setanartreytir verða samsvarandi útbúgving og royndum.
SOLEIÐIS SØKIR TÚ
Um hetta hevur vakt tín áhuga, kanst tú bóka eitt prát við okkum á Jobmatch.fo, og so ert tú eisini vælkomin at senda umsókn, CV og prógv til starv@smj.fo. Í umsóknini verður tú vinarliga biðin um at greiða frá tínum persónligu eginleikum og motivatión fyri starvi hjá SMJ og hvat arbeiðsøki hevur stórstan áhuga.
Umsóknir verða viðgjørdar í trúnaði og so hvørt tær koma inn.
