Atlantic Airways søkir Revenue Management Analytikara

Atlantic Airways


Vit sóknast eftir starvsfólki at arbeiða innan Revenue Management, Distribution og Business Intelligence. Starvið verður sett skjótast gjørligt.

Høvuðsuppgávur hjá deildini
Deildin hevur ábyrgd av at fáa prísirnar út á okkara sølurásir, tryggja røttu prísásetingina á rutunetinum og stýra okkara útboði  á bestan hátt útfrá eftirspurninginum, soleiðis at málini verða rokkin.

Starvið í høvuðsheitum

  • Dagliga avgreiðslu og optimering
  • Rutustýring/uppfylging
  • Stuðla prís- og vørumenning
  • Stuðla uppundir betringum á egnum sølurásum, víðkan av sølurásum, samstarv við samstarvsfelagar og arbeiði við lykla KT-skipanum
  • Skipan og viðlíkahald, greiningar og framløgur av ymsum dátum

Starvið inniber eisini, at tú so líðandi ert við til at stuðla uppundir rakstur og menning av skipanum innan títt arbeiðsøkið. Harumframt skalt tú av og á vera við í verkætlanum og menningarátøkum saman við øðrum pørtum av felagnum.

Um teg…

  • Tú hevur hevur styttri ella longri útbúgving við búskaparligari høvuðsgrein ella aðra viðkomandi útbúgving.
  • Tú ert analytisk/-ur , skipað/ur og dámar væl at arbeiða við tølum.
  • Tú ert businessmindað/-ur, dugir at finna loysnir og hevur áhuga í áhaldandi optimering.
  • Tú hevur hollar royndir við Office-pakkanum, serliga Excel.
  • Førleikar og/ella royndir innan Revenue Management KT-skipanum, ella líknandi KT-skipan frá øðrum ídnaðum, er ein fyrimunur.
  • Tú dugir væl føroyskt, danskt og enskt. Samskiftið í skipanunum er á enskum.

Vit bjóða
Eitt spennandi og avbjóðandi fulltíðarstarv í eini dynamiskari fyritøku, har tú fert at arbeiða saman við dugnaligum starvsfeløgum og verður partur av eini deild, sum við eldhuga greiðir sítt arbeiði úr hondum.

Starvsstaður o.a.
Starvsstaðurin er á høvuðsskrivsstovu okkara í Vága Floghavn. Talan er um fulltíðarstarv. Løn og eftirløn verður ásett sambært nærri avtalu.

Umsóknir og umsóknarfreist
Vilt tú hava fleiri upplýsingar um starvið, ert tú vælkomin at seta teg í samband við John Eikhólm, Revenue Management deildarleiðara, á telefon 213 717  ella telduposti johneik@atlantic.fo ella Elina Sigvardsen, HR-leiðara, á telefon 213 702 ella telduposti elin@atlantic.fo.

Send okkum eina skrivliga umsókn saman við lívsrensli (CV) og viðkomandi skjølum á starv@atlantic.fo – viðmerk “Revenue Management analytikari” í teldupostinum-heitinum.

Umsóknin skal verða Atlantic Airways í hendi í seinasta lagi fríggjadagin 14. januar 2022.



Les meira